†Santo do Dia: Santa Maria Domingas Mazzarello, fundadora das filhas de Maria Auxiliadora,
⬜️ Kór litúrjiku: Mutin
📖 1ª Leitura: Apóstolu sira-nia hahalok 17:15, 22-18:1
📖 🎵 Salmo Responsoriál: Salmo 148:1-2, 11-12ab, 12c-14a, 14bcd
📖☦️ Evanjellu: João 16:12-15
– Aleluia, Aleluia, Aleluia.
✠ 𝐍𝐚’𝐢 𝐉𝐞𝐬𝐮́𝐬 𝐊𝐫𝐢𝐬𝐭𝐮 𝐧𝐢𝐚 𝐄𝐯𝐚𝐧𝐣𝐞𝐥𝐥𝐮† 𝐧𝐮’𝐮𝐝𝐚𝐫 𝐒𝐚𝐮𝐧 João 𝐡𝐚𝐤𝐭𝐮𝐢𝐫:
Iha tempu neʼebá, Jesús liatun ba ninia dixípulu sira dehan: 12 “Ha’u sei iha tan buat barak atu hateten ba imi, maibé oras ne’e imi la bele simu hotu. 13 Wainhira Espiritu lialos nian mai, Nia sei hanorin lialos tomak ba imi; basa Nia sei la koalia hodi nia naran rasik, maibé sei hateten buat ne’ebé Nia rona, hodi fó sai ba imi buat ne’ebé sei mosu aban bainrua. 14 Nia sei fó gloria mai Ha’u, basa nia sei simu buat ne’ebé Ha’u nian no sei fó hatene ba imi. 15 Ha’u Aman nia sasan tomak, Ha’u nian mós; tan ne’e mak Ha’u dehan katak Nia simu buat ne’ebé Ha’u nian hodi fó hatene ba imi.”
– 𝐋𝐢𝐚 𝐌𝐚𝐤𝐬𝐨𝐢𝐧.
– 𝐊𝐫𝐢𝐬𝐭𝐮, 𝐚𝐦𝐢 𝐡𝐚𝐡𝐢 𝐢𝐭𝐚.
———————————-
Ｒｅｆｌｅｓａｕｎ
13 Maiu 2026
Festa Nossa Senhora de Fátima
“Iha Fátima, Maria mai la’ós atu hata’uk ita , maibé atu book ita ema nia fuan, no atu lori mundu nebe iha destruisaun nia laran fila fali ba Jesús, fonte dame no esperansa nian.”
𝑴𝒂𝒖𝒏-𝒂𝒍𝒊𝒏 𝒅𝒐𝒃𝒆𝒏 𝒔𝒊𝒓𝒂 𝒊𝒉𝒂 𝑲𝒓𝒊𝒔𝒕𝒖!
Iha loron 13 Maiu, Igreja Katólika komemora festa Nossa Senhora de Fátima, ne’ebé lembra aparesementu Virjen Maria ba labarik nain tolu iha Fátima tinan 1917: Lúcia, Francisco no Jacinta. Inan Maria mai ho mensajen ida simples, maibé kle’an tebes: reza, arrependimentu no fila fali ba Maromak.
Iha tempu ne’ebá, mundu iha hela funu no sofrimentu boot. Ema barak lakon dame no esperansa. Tanba ne’e, Maria mai hanesan inan ida ne’ebé hakarak fó naroman ba oan sira. Nia husu atu reza Rosáriu lorloron hodi buka dame ba mundu no konversaun fuan.
Mensajen Fátima nian
Fátima la’ós de’it kona-ba milagre ka aparesementu ida. Nia mak bolu ida ba mudansa moris. Maria hatudu katak:
* Maromak la husik ita mesak;
* Orasaun iha forsa nebe boot;
* Arrependimentu bele lori dame no salvasaun;
* Domin no sakrifísiu ki’ik sira iha valór boot iha Maromak nia oin.
Iha Evanjellu ohin nian (João 16:12-15), Jesús promete katak Espíritu Santu sei guia ita ba lialos tomak. Maria mos halo buat hanesan: nia lori ita atu rona Jesús no buka ninia dalan sira. Maria la buka ninia glória rasik; nia sempre hatudu ita ba Kristu.
Signifikadu ba ita ohin
Ohin loron, mundu mos sei hasoru violénsia, ta’uk, lakon esperansa no nakonu ho buat barak ne’ebé hadook ema husi Maromak. Mensajen Fátima kontinua aktual:
* Reza ho fiar;
* Halo dame iha família no komunidade;
* Aprende atu fó perdua;
* Loke fuan ba Espíritu Santu;
* Hamriik iha lialos no domin.
Maria hanorin ita katak santidade hahú husi buat simples: reza, obedénsia ba Maromak no hadomi malu iha lorloron.
Orasaun Badak:
Nossa Senhora de Fátima, inan domin no dame nian, ajuda ami atu hela besik ba Jesús. Hanorin ami atu reza ho fiar, moris ho humildade no sai instrumentu dame iha mundu.
Nossa Senhora de Fátima, harohan mai ami, Amén.
Maromak haraik bensaun.
—————————— –
𝐅𝐨𝐧𝐭𝐞𝐬: ✠ 𝐁𝐈́𝐁𝐋𝐈𝐀 𝐒𝐀𝐆𝐑𝐀𝐃𝐀 | 𝐌𝐚𝐫𝐨𝐦𝐚𝐤 𝐊𝐨’𝐚𝐥𝐢𝐚 | 𝐀𝐝 𝐄𝐱𝐩𝐞𝐫𝐢𝐦𝐞𝐧𝐭𝐮𝐦 | 𝐁í𝐛𝐥𝐢𝐚 𝐊𝐚𝐭𝐨́𝐥𝐢𝐤𝐚 | GOD’S WORD 𝙳𝙰𝙸𝙻𝚈 𝚁𝙴𝙵𝙻𝙴𝙲𝚃𝙸𝙾𝙽 | 𝖱𝖾𝖿𝗅𝖾𝗌𝖺𝗎𝗇 𝗅𝗈𝗋𝗈𝗅𝗈𝗋𝗈𝗇 𝗇𝗂𝖺𝗇 𝗁𝗎𝗌𝗂 𝖢𝖺𝗍𝗁𝗈𝗅𝗂𝖼 𝖥𝖺𝗆𝗂𝗅𝗒 𝖠𝗅𝗍𝖺𝗋 𝖳𝗂𝗆𝗈𝗋-𝗅𝖾𝗌𝗍𝖾 @𝚌𝚘𝚙𝚢𝚛𝚒𝚐𝚑𝚝 ²⁰²⁶
