†Santo do Dia: Saun Pancrácio, Mártir
⬜️ Kór litúrjiku: Mutin
📖 1ª Leitura: Apóstolu sira-nia hahalok 16:22-34
📖 🎵 Salmo Responsoriál: Salmo 138:1-2a, 2bc-3, 7c-8
📖☦️ Evanjellu: João 16:5-11
– Aleluia, Aleluia, Aleluia.
✠ 𝐍𝐚’𝐢 𝐉𝐞𝐬𝐮́𝐬 𝐊𝐫𝐢𝐬𝐭𝐮 𝐧𝐢𝐚 𝐄𝐯𝐚𝐧𝐣𝐞𝐥𝐥𝐮† 𝐧𝐮’𝐮𝐝𝐚𝐫 𝐒𝐚𝐮𝐧 João 𝐡𝐚𝐤𝐭𝐮𝐢𝐫:
Iha tempu neʼebá, Jesús liatun ba ninia dixípulu sira dehan: 5 “Ha’u atu ba ona ba Ida ne’ebé haruka Ha’u mai, no imi ida la husu Ha’u: “Ita ba ne’ebé?‟ 6 Maibé, tan Ha’u dehan buat hirak ne’e ba imi mak imi neon sala. 7 Maibé Ha’u dehan lialos ba imi: diak liu ba imi katak Ha’u ba, basa Ha’u la ba karik, Ksolok Na’in sei la mai iha imi; maibé Ha’u ba karik, Ha’u sei haruka Nia ba imi. 8 No wainhira Nia mai, Nia sei hatudu ba mundu kona ba sala, kona ba moris los no kona ba tesi lia. 9 Kona ba sala, tan sira la fiar Ha’u; 10 Kona ba moris los, basa Ha’u ba Ha’u Aman no imi sei la hare Ha’u ona; 11 kona ba tesi lia, tamba sei tesi lia ona hasouru ukun na’in mundu ne’e nian.”
– 𝐋𝐢𝐚 𝐌𝐚𝐤𝐬𝐨𝐢𝐧.
– 𝐊𝐫𝐢𝐬𝐭𝐮, 𝐚𝐦𝐢 𝐡𝐚𝐡𝐢 𝐢𝐭𝐚.
———————————-
Ｒｅｆｌｅｓａｕｎ
12 Maiu 2026
Semana daneen Páskua nian
“Espíritu Santu mak naroman ne’ebé dirije ita iha dalan lialos no hakbiit ita atu moris iha Kristu.”
𝑴𝒂𝒖𝒏-𝒂𝒍𝒊𝒏 𝒅𝒐𝒃𝒆𝒏 𝒔𝒊𝒓𝒂 𝒊𝒉𝒂 𝑲𝒓𝒊𝒔𝒕𝒖!
Ohin ita hetan konvite atu reflete kona-ba Espíritu Santu nia prezensa iha ita-nia moris. Iha Evangelho Saun João nian, Jesús dehan ba escolante sira:
“Diak liu ba imi katak Ha’u ba, basa Ha’u la ba karik, Ksolok Na’in sei la mai iha imi; maibé Ha’u ba karik, Ha’u sei haruka Nia ba imi”
(Jo 16:7).
Ohin ita simu liafuan ida ne’ebé hakonu ho esperansa no ksolok espirituál. Maski dixípulu sira sente triste tamba Jesús atu husik sira, Jesús haksolok sira ho promessa ida boot: Espíritu Santu sei mai hela hamutuk ho sira.
“Diak liu ba imi katak Ha’u ba…”
Liafuan ida-ne’e hatudu katak Jesús la husik ita mesak, ita sarani sira nebe fiar iha Nia. Nia sei haruka Espírito Santu atu sai ita-nia matadalan, fonte forsa nian no naroman iha tempu susar. Wainhira ita sente fraku, konfuzaun ka tauk, Espíritu Santu mai fó dame, konsola no hametin ita atu kontinua la’o iha dalan loos.
Iha leitura dahuluk, ita haree Saun Paulo no Silas iha kadeia laran, maibé sira la lakon fiar. Sira hamriik iha oração no kanta louvor ba Maromak. No iha kadeia laran iha tempu kalan, Maromak halo milagre ida: rai nakdoko no kadeia nia odamatan nakloke. Liafuan ne’e hanorin ita katak Espíritu Santu bele halo liberdade iha ita-nia fuan, maski ita hela iha susar ka problema.
Espíritu Santu mos hatudu mai ita kona-ba sala no moris loos. Nia hanorin ita atu fila ba Maromak no moris iha lialos. Nia la mai atu hatauk ita, maibé atu lori ita ba konversaun no renovasaun foun.
Maun-alin sira, iha mundu ne’ebé dala barak, dala ruma nakonu ho laran-susar, ódiu no desesperu, ita presiza loke ita-nia fuan ba Espíritu Santu. Bainhira ita husu ho fiar, Nia sei mai fó matenek, dame no korajen atu sai testemunha Kristu nian.
Amén.
Maromak haraik bensaun.
—————————— –
𝐅𝐨𝐧𝐭𝐞𝐬: ✠ 𝐁𝐈́𝐁𝐋𝐈𝐀 𝐒𝐀𝐆𝐑𝐀𝐃𝐀 | 𝐌𝐚𝐫𝐨𝐦𝐚𝐤 𝐊𝐨’𝐚𝐥𝐢𝐚 | 𝐀𝐝 𝐄𝐱𝐩𝐞𝐫𝐢𝐦𝐞𝐧𝐭𝐮𝐦 | 𝐁í𝐛𝐥𝐢𝐚 𝐊𝐚𝐭𝐨́𝐥𝐢𝐤𝐚 | GOD’S WORD 𝙳𝙰𝙸𝙻𝚈 𝚁𝙴𝙵𝙻𝙴𝙲𝚃𝙸𝙾𝙽 | 𝖱𝖾𝖿𝗅𝖾𝗌𝖺𝗎𝗇 𝗅𝗈𝗋𝗈𝗅𝗈𝗋𝗈𝗇 𝗇𝗂𝖺𝗇 𝗁𝗎𝗌𝗂 𝖢𝖺𝗍𝗁𝗈𝗅𝗂𝖼 𝖥𝖺𝗆𝗂𝗅𝗒 𝖠𝗅𝗍𝖺𝗋 𝖳𝗂𝗆𝗈𝗋-𝗅𝖾𝗌𝗍𝖾 @𝚌𝚘𝚙𝚢𝚛𝚒𝚐𝚑𝚝 ²⁰²⁶
