INFO ATUAL, (LIBERDADETL.com) — Embaixadór Britániku ba Timor-Leste Dominic Jermey konklui vizita regulár ida ba Timor Leste iha loron 16-17 Marsu 2026, ho objetivu atu hametin parseria Reinu Unidu ho nasaun ne’e, fulan ne’en hafoin adezaun istóriku Timor Leste nian nu’udar membru Asosiasaun Nasaun Sudeste Áziatiku (ASEAN ba da-11).
Durante vizita ne’e Embaixadór hasoru malu ho Prezidente Ramos Horta, Vise Primeiru Ministru Francisco Lay, Vise Ministra Negósiu Estranjeiru Milena Rangel no membru seniór sira seluk husi governu.
Tuir komunikadu ne’ebé redasaun LIBERDADETL asesu katak, diskusaun sira-ne’e foka liu ba hakle’an liután kooperasaun Reinu Unidu nian ho Timor-Leste liuhusi ASEAN, inklui apoiu ba feto no labarik-feto sira no seguransa saúde; no hasa’e kolaborasaun Reinu Unidu-Timor-Leste nian hodi responde ba dezáfiu ne’ebé mosu iha sentru ‘scam’ sira ne’ebé afeta ema iha Sudeste Áziatiku no Reinu Unidu, no suporta esforsu globál sira atu kombate mudansa klimátika.
Embaixadór Britániku ba Timor-Leste Dominic Jermey hateten:
“Timor-Leste nia adezaun plenu iha ASEAN sai nu’udar progresu signifikante ida-ne’ebé boot tebes no sai nu’udar testemuña ida ba reziliénsia no determinasaun povu nian. Reinu Unidu nafatin iha kompromisu atu apoiu Timor-Leste tanba nia hala’o papél rejionál ne’ebé boot liu no buka kreximentu inkluzivu no sustentável”.
“Ita-nia parseria kona-ba saúde, edukasaun, seguransa, ka governasaun – nafatin iha valór prinsipál no vizaun própriu ba rejiaun ida-ne’ebé estável no prospéru!”.
