NOTÍSIA LITERÁRIA, (LIBERDADETL.com) — Prezidente Timor-Leste José Ramos-Horta sei hato’o diskursu polítika iha Sekretariadu ASEAN. Ida-ne’e fó sai hosi ASEAN liuhosi sira nia konta iha mídia sosiál.
“Sekretáriu-Jerál ASEAN nian, Dr. Kao Kim Hourn, sei fó benvindu ba Sua Exelénsia José Ramos-Horta, Prezidente Repúblika Demokrátika Timor-Leste nian, iha Sede ASEAN nian/Sekretariadu ASEAN nian iha loron 01 fulan-agostu tinan 2025”, hakerek iha komunikadu ne’ebé publika hosi ASEAN.
Durante ninia vizita ba ASEAN, Ramos-Horta sei hato’o diskursu polítika ida. Nia mós sei hasoru malu ho Sekretáriu-Jerál ASEAN, Komité Reprezentante Permanente ba ASEAN, no Embaixadór Timor-Leste ba ASEAN.
“Vizita ne’e sei destaka, entre buat sira seluk, progresu Timor-Leste nian ba adezaun ba ASEAN”, sira hatete.
Diskursu polítika Ramos-Horta nian sei partisipa hosi membru korpu diplomátiku iha Jakarta, reprezentante hosi entidade sira ne’ebé iha relasaun ho ASEAN, akadémiku no think-tank, komunidade emprezariál, no funsionáriu hosi Sekretariadu ASEAN nian.
Entretantu, iha fulan-Outubru, Timor-Leste konfirmadu sai nu’udar membru ofisiál ASEAN ba dala 11.
