EDITORIAL, (LIBERDADETL.com) — Hosi Loron Terça, 24 Fevreiru, too Loron Sexta, 27 Fevereiru, Primeiru-Ministru Kay Rala Xanana Gusmão halo série dialogu publiku iha munisípiu sira ne’ebé estratéjiku. Atividade ida ne’e hanesan sosializasaun politika governu nian kona-ba implementasaun programa desentralizasaun poder lokal, ne’ebé presiza efektivu iha tinan 2027, hanesan etapa inisial hosi prosesu eleisaun lokal.
Programa komesa iha Munisípiu Liquiçá iha loron primeira, halo kontinuasaun ba Munisípiu Ermera iha loron segundu, no iha Aileu iha loron terseira, hatudu faze ikus iha Munisípiu Manatutu, munisípiu ne’ebé mak rai moris fatin Primeiru-Ministru nian. Hosi informasaun ne’ebé ekipa Think Thank LiberdadeTL asesu, fase ida ne’e mak fase inisial hosi sosialisasaun públiku, ho fase tuir-mai sei kontinua semana oin iha munisípiu seluk ho formatu ne’ebé hanesan. Programa kompletu planeadu atu remata iha fulan Marsu, abrange territoriu nasional.
Komunidade lokal simu Xefe Governu ho antusiasmu boot. Prezensa lider ne’ebé ninia tinan aumenta ba bebeik, no fiziku ladun iha forsa ona, maibé hanesan nasionalista ne’ebé forte, nia esforsu ati halo impaktu ida ne’ebé pozitivu ba komunidade. Depois dialogu iha munisípiu ba faze primeiru nian, Primeiru-Ministru fila Dili la hetan tempu para deskansa, nia kontinua tun ba terrenu iha kapitál Dili, liu-liu fatin sira ne’ebé afetadu ba inundasaun, no nia demonstra preokupaun seriu ba infrastruktura.
Husi observasaun ekipa Think Thank Media LiberdadeTL observa kata, ho asaun Xanana Gusmão hetan apresiasaun boot hosi populasaun. Nia iha kapasidade atu halo analize ba situasaun iha rai-laran, nia lider ne’ebé di’ak, hakraik-an, disiplinadu, no iha energia, mesmo iha tinan idade liu, no aktu ne’e nu’udar inspirasaun ba populasaun lokal.
Xanana Gusmão sei kontinua hanesan figura respeita iha komunidade nia matan, maski iha kritik husi grupu minoridade. Lideransa nia foka iha moris-di’ak povu no dezenvolvimentu nasional, hanesan prioridade prinsipal. Presensa iha kampu no envolvimentu direitu iha dialogu publiku demonstra konsisténsia iha metodolu inklusivu no pragmátiku ba administrasaun estadu, no halo komunikasaun politika ne’ebé klaru ba partisipasaun komunidade lokál.
Sosialisasaun ne’e prepara implementasaun desentralizasaun poder lokal, ne’ebé objetivu atu konsentraliza dezenvolvimentu lokál ho kapasidade municipal nian, motiva partisipasaun komunidade, no fortifika governasaun lokal. Dialogu direitu ho komunidade foin ajuda garante transparénsia, komprensaun publiku, no preparasaun institusaun husi reformu estrutural iha tinan 2027.
atividade ne’e mostra Xanana Gusmão hanesan lider ne’ebé integradu ho esperiénsia istorika luta nasional ho vizaun estadista, no haree importante kolaborasaun entre governu no komunidade ba dezenvolvimentu sustentavel. Hosi observasaun ekipa Think Thank LiberdadeTL, Xanana demonstra kapasidade, dedikasaun, no energia atu envolve direitu iha problema sira públiku, hanesan modelo lideransa ne’ebé respetadu no inspirativu ba jerasaun foin-sae, labarik, ferik no katuas.
