POEZIA, (LIBERDADETL.com) — Ami aprezenta pájina poezia ida-ne’e hanesan espasu ida ba reflesaun iha informasaun dijitál—fatin ida ne’ebé liafuan atu lee, no sente; fatin ida iha ne’ebé versíkulu ida-idak sai espellu klamar nian, lian konxiénsia nian, no rejistu tempu nian. Iha ne’e, poezia nu’udar obra literatura, no dalan ida atu komprende moris ho sensivel liután, hadomi kle’an liután, no hanoin ho fidelidade liután.
Ita-boot sente estrañu ona…
Bainhira ita-boot hahú sai entuziazmu, serbisu, foti inisiativa,
envezde hetan elojia—envezde hahú hetan hadook-an?
Derepente ita-boot konsidera hanesan “buka oin”.
Konsidera “bele halo rasik”.
Maski ita-boot hakarak de’it atu halo ita-boot nia di’ak liu.
Maibé aparentemente, nabilan barak liu bele konsidera hanesan ameasa ida—la’ós inspirasaun ida.
Iha fatin balu, Ita-boot nia prezensa nabilan
bele halo ema sira ne’ebé kleur ona sente konfortavel iha nakukun laran sai matan-been.
Nakukun husi rutina lahó dalan,
nakukun husi sistema ida ne’ebé valoriza liu nonook duké rezultadu sira,
zona konfortu nakukun ne’ebé nakonu ho finje.
Sai ita-boot…
Ativu liu, konsidera ambisiozu.
Sai onestu liu konsidera perigozu.
Naroman liu, konsidera proeminente liu.
Ikusmai ita-boot aprende,
katak dalaruma la’ós ita-boot nia kualidade sira maka sala—
maibé kuartu ne’e seidauk prontu atu sai nabilan.
No ida-ne’e maka ironia hosi mundu serbisu nian:
Ida ne’ebé maka lakan dala barak mate,
Sira ne’ebé baibain husik hela mesak.
Maibé keta hamenus ita-boot nia naroman.
Se kuartu ida seidauk prontu, karik kuartu seluk hein hela ita-boot.
