Media LIBERDADETL moris hosi konxiénsia istórika ida katak Timor-Leste nia independénsia la’ós rezultadu hosi prosesu instantaneu ida, maibé nu’udar fuan hosi luta naruk ida ne’ebé envolve sakrifísiu isin no klamar hosi kombatente libertasaun sira. Iha fluxu informasaun ne’ebé lalais ba beibeik ne’ebé dalaruma la klaru husi kontestu istóriku, prezensa media ne’ebé brani atu ko’alia kona-ba lia-loos istóriku ne’e nesesidade absoluta ida. Liberdade la’ós de’it prezente nu’udar transportadór notísia nian, maibé mós nu’udar guarda ba memória koletiva nasaun nian.
Media ida ne’e la’ós harii atu kria kompetisaun ho mídia seluk, maibé atu komplementa no hametin espasu ba liberdade espresaun iha Timor-Leste. Ami fiar katak liberdade imprensa nu’udar fundasaun fundamentál ba demokrasia ne’ebé saudavel. Hodi halo istória luta nian sai hanesan foku prinsipál ba ninia kobertura, Liberdade hakarak harii espasu ida iha ne’ebé jerasaun foun sira bele rekoñese, komprende, no apresia prosesu naruk ba ukun rasik-an.
Media LIBERDADETL hari’i iha loron 7 fulan-Abríl tinan 2025, no iha forma hosi mídia online, revista, no streaming rádiu no TV. Formatu sira-ne’e ida-idak sai hanesan kanál komplementár ida hodi hato’o istória istóriku, dokumentasaun luta, entrevista ho figura xave, no reflesaun krítiku sira kona-ba estadu demokrasia ohin loron nian. Ho aprosimasaun multiplataforma, ami hakarak to’o iha nivel hotu-hotu sosiedade nian, hosi sidade to’o aldeia.
Ami nia lema, “Ko’alia lia-loos saida maka ó ko’alia. Fiar ami, ida-ne’e maka lia-loos”, la’ós slogan mamuk ida. Ida-ne’e maka kompromisu étiku ida ne’ebé liga serbisu editoriál no institusionál hotu-hotu. Kompromisu ida atu mantein integridade, fó lian ba sira ne’ebé la rona, no hamriik metin iha presaun nia okos. Ami tane aas Konstituisaun RDTL Artigu 40 kona-ba Liberdade espresaun no 41 kona-ba Liberdade imprensa nu’udar direitu báziku sidadaun ida-idak nian.
VIZAUN
Atu sai mídia independente ida ne’ebé hato’o lia-loos kona-ba istória Timor-Leste nia luta ba ukun rasik-an, atu nune’e jerasaun foun sira hatene prosesu Timor-Leste nia ukun-an. Sai lian ba sira ne’ebé laiha lian.
MISAUN
1. Atu foti no dokumenta istória istóriku kona-ba Timor-Leste nia luta ba ukun rasik-an.
2. Fó informasaun bazeia ba faktu no étika jornalístika ba komunidade luan.
3. Sai espasu espresaun ba komunidade baze, veteranus, familia luta na’in no jerasaun foun sira.
4. Hari’i rede mídia ida ne’ebé inklui online, rádiu, revista no streaming TV.