MUNISIPAL, (LIBERDADETL) — Koordenador Partidu Libertasaun Popular (PLP), Munisipiu Baukau, Helder Freitas “Kamarudin” iha Domingu ne’e iha Sede PLP Lamegua, Vila Antiga , realiza enkontru koordenasaun serbisu ho Vise sira, Koordenador Postu 8, CPN Munisipiu no Orgaun Asosidadu sira hodi deskute programa atividade partidu nian hosi aldeia to nivel munisipiu,.
Nune’e mòs koloka orgaun ezekutivu sira ba kada postu atu kordena no serbisu hamutuk ho estrutura postu, suku no aldeia ne’ebe simu ona pose iha tinan kotuk oinsa influensia eleitores iha baze kona-ba vizaun no programa PLP nian atu ema iha intrese vota ba PLP.
Aleinde ne’e halo mós avaliasaun servisu hodi hadiak frakeza iha ne’ebe atu ba oin servisu bele sai solidu liutan no forte liutan hodi influensia eleitores iha baze hodi vota ba PLP iha eleisaun parlamentar 2028.
