NASIONAL,(LIBERDADETL.com) — Artista Timoroan nain tolu ne’ebe liu ona selesaun Kompetisaun ba atividade Exposisaun Biannale 2026, ohin halo ona aprezentasaun ba obra ne’ebe sira iha, hodi aprezenta ba dala-rua iha Expozisaun Biannale, ne’ebe sei hala’o iha fulan Maiu tinan ne’e iha sidade-Venice Italia.
Artista nain tolu ne’e, sei halo aprezentasaun ba sira nia obra mak hanesan, Artista Verônica ho kombinasaun múzika tradisionais Timor-Leste nian bá muzika kultura ASEAN.
Artista Etson Caminha no Juventino Madeira, sei halo vídeo-mapping liga bá kultura no identidade Timor-Leste nian, hodi ba aprezenta iha Ezposizasaun refere.
Iha diskursu, Ministru Nelyo Isaac Sarmento hateten, iha fulan hirak mai, sei lori artista Timor nian, atu ba Partisipa iha Expozisaun Biannalle, Venice-Italia 2026.
“Ba partisipasaun ida ne’e, saida maka ita atu lori ba iha Venice? ita hakarak atu introdus Arte no Kultura kona-ba ita nia tradisaun no historia kona -ba Timor nia realidade no sofrimentu ne’ebe ita enfrenta iha tinan naruk nia laran.
Nune’e Governante ne’e, agradese ba artista nain rua, ne’ebe iha talentu ba obra sira, liu liu Dona Veronica Maia, tanba lori ho produtu ne’ebe presija introdus ba nasaun sira seluk atu hatene.
“Hau hakarak agradese ba artista nain rua, liu liu ita nia mana Veronica Maia, ho nia produtu sira ne’ebe merese ita atu introdus ba ema barak, kona-ba Timor nia realidade, aumemsu-tempu ita hakarak fahe ita nia esperiensia, tradisaun no arte ne’ebe ita iha ba pais sira seluk,”
Iha biban ne’e artista Timor oan sira mos hato’o Agradesimentu ba Governu liu husi MJDAK no SEAK, tanba iha inisitiva ne’ebe diak tebes, no hakarak promove diak liutan artista Timor oan sira nia produtu no obra ne’ebe sira iha ba nasaun seluk.
Lembra katak, iha fulan Abril 2024 Timor-Leste partisipa ona iha Ezposizasaun Arte Internasionál bá dala-60 ne’ebé hala’o iha sidade Venice-Itália ne’ebé partisipa husi nasaun 90.
Momentu ne’ebá Timor-Leste hola parte hodi promove mós obra arte konteporánea oin-oin no lansa filme “Kiss and Don’t Tell” ka (Rei, Maibé Labele Ko’alia), ne’ebé prepara husi Artista Maria Madeira, hetan mos apoia husi Kuradora Professora Natalie King no ekipa produtór filme husi nasaun Austrália, no Artista Timor-oan, Alfeu Pereira ho pintór sira husi Grupu Arte Moris no Fundasaun Alola.
Serimonia aprezentasaun ne’e hala’o iha, Edifisiu SEAK, Praia dos Coqueiros Dili.
Fontes: Media SEAK
